പുലികള്‍ ദുബായിലും

ദുബായിലും പുലികള്‍
പേടിക്കേണ്ട! പക്ഷേ സൂക്ഷിക്കണം.സുല്‍ത്താന്‍ ബത്തേരി
വഴി കര്ണാടകവും കടന്ന് ദുബായിലെ ത്തി മാധ്യമങ്ങളിലൂടെ,
നമ്മളെ മാടിവിളിക്കുന്നു.
കേരളത്തിലേക്ക് ഫ്ലാറ്റു വിപ്ലവത്തിലേക്കാണ് ക്ഷണിക്കുന്നതെങ്കില്‍
കര്ണാടകത്തിലേക്ക് ഹെര്‍ബല്‍
വിപ്ലവത്തിലേക്ക് ക്ഷണിക്കുന്നു,

എന്‍റെ ഓര്മ്മ ശരിയാണന്നു വരികില്‍ സിനിമാ വ്യവസായത്തില്‍

തുടങ്ങി വ്യാപാരിവ്യവസായസഘടന,ആട്,മാഞ്ചിയം,
ജില്ലാ ആസ്ഥാനങ്ങള്‍
തോറുമുള്ള റിയല്‍ എസ്റ്റേറ്റു കമ്പനികള്‍
കൂടാതെയിപ്പോള്‍ മന്ത്രിപുംഗവന്‍ മാര്‍ വരെ

നേരിട്ടിറങ്ങിയിരിക്കയാണ്‌.

നമ്മളെത്ര ഭാഗ്യവാന്‍ മാര്‍! നാട്ടിലെന്ത് വമ്പന്‍ പദ്ധതികള്‍
വരുമ്പോഴും നമ്മളെ എല്ലാവരും കാര്യമായി പരിഗണിക്കുന്നു.
എത്ര സ്നേഹമുള്ളവര്‍.നമ്മളെ കൂടുതല്‍ ഉയരങ്ങളിലേക്ക്
എത്തിക്കാനാഗ്രഹിക്കുന്നവര്‍.

പണ്ടൊരു " വീരപ്പനുണ്ടായിരുന്നു" .
ക്രൂരനെങ്കിലും ജനസമ്മതിയുള്ളവന്‍.

ബ്രഹ്മാസ്ത്രവും കൈയിലേന്തി പാവം നമ്മളെ പകല്‍ കൊള്ള
സ്വയം നടത്തുകയും,മറ്റുള്ളവരെ കൊണ്ട് നടത്താന്‍ പ്രേരിപ്പിക്കുകയും
ചെയ്യുന്ന-വീരപ്പനേക്കാളേറെ വെറുപ്പിക്കുന്ന പ്രൈസ് ഷഡ്യൂളുകള്‍
നല്കുന്ന-വിമാനകമ്പനികളില്‍ നിന്നും രക്ഷനല്കാന്‍
വര്ഷങ്ങളായി കേഴുന്ന നമ്മളെ ഇവര്‍ പരിഗണിക്കുന്നുണ്ടോ?
വാല്‍കഷ്ണം..
-സൂക്ഷിച്ചാല്‍ ദു:ഖിക്കേണ്ട എന്ന പഴമൊഴി നമുക്കോര്‍ക്കാം-